КАРРУ
КАРРУ́ (англ. Karroo, готтентотчо karusa – кургакчыл, күрсүз жер) – Түш. Африкада Оранж д-нан түштүктү карай жаткан жарым чөлдүү платолор м-н тоо аралык ойдуңдардын жалпы аталышы. Субтропиктик климаттык алкакта. Интрузия тектери жиреп чыккан кумдук ж-а сланец катмарларынан турат. Кап тоолорундагы узатасынан жаткан өрөөндөр К и ч и К. (бийикт. 300–600 м), Чоң Урчук м-н Кап тоолорунун аралыгындагы ойдуңдар Ч о ң К. (450– 750 м), Чоң Урчук м-н Оранж д-нын аралыгындагы платолор Ж о г о р к у К. (1000–1500 м) деп аталат. Бадал ж-а дан өсүмдүктөрү басымдуу.