КИРОВ кыштагы, Панфилов району
КИ́РОВ – Чүй облусунун Панфилов районундагы кыштак. Күрпүлдөк айыл округуна караштуу. Деңиз деңгээлинен 685 м бийикте жайгашкан. Райондун борбору жана темир жол бекети Кайыңды шаарчасынан 19 км түштүк тарапта. Калкы 1005 (2008); негизинен дыйкан чарбаларында эмгектенип, мал менен алектенет. Орто мектеп, китепкана, фельдшер-акушердик пункт бар.
Үй-бүлөлүк врачтар тобу иштейт. Улуу Ата Мекендик согушта курман болгондорго эстелик тургузулган.