КАНКУН
КАНКУ́Н – Мексикадагы шаар. Кинтана-Роо штатында. Юкотан жарым аралынын түндүк-чыгышында жайгашкан. Калкы 654,4 миң (2008). Эл аралык аэропорту бар. Мухерес аралы м-н деңиз аркылуу байланышат. Мексикадагы эң ири деңиздик климаттык курорт. Канкунга эл 16-кылымда эле отурукташа баштаган. 1970-жылдан шаар. Университеттер (технологиялык, Кариб) бар. Шаардын экономикасынын негизин туризм түзүп, меймандарды кабыл алуу ж-а аларды тамак-аш м-н камсыздоого тыгыз байланышта. Көптөгөн бульварлар, 140ка жакын отелдер (түрдүү класстагы), 380ге жакын ресторан, көп сандаган соода борборлору ж-а клубдар иштейт. Лагуна м-н шуру рифтери туристтерди өтө кызыктырат. Экологиялык парктар уюштурулган.