КАРАМОЛДО Орозов
КАРАМОЛДО Орозов (өз аты – Токтомамбет; 1882, азыркы Ысык-Көл обл., Ысык-Көл р-ну, Корумду айылы – 8. 7. 1960, ошол эле жер) – залкар комузчу,
Кыргыз ССР эл арт. (1935). Москвада
өткөн Элдик аспаптарда ойноочулардын Бүткүл союздук фестивалынын лауреаты (1939). 1939-жылдан СССР композиторлор союзунун мүчөсү болгон. 1928-ж. Бишкекке чакырылып, 30дай күүсүн А. В. Затаевич нотага түшүргөн. 1931–
36-ж. чейин Кыргыз муз. драма театрынын, 1936–
54-ж. Кыргыз мамл. филармониясынын артисти. 1940–41-ж. СССР композиторлор союзунун алдындагы обончу-композиторлордун курсунда окуган. 1958–60-ж. М. Күрөңкөев атн. муз.-хореогр. окуу жайынын кыргыз эл аспаптар бөлүмүндө сабак берген. Кыргыз иск-восунун (1939), ад-ты м-н иск-восунун
(1958) Москвада, 1942–44-ж. О. Азия респ-ларынын ж-а Казакстандын Фрунзеде, Ташкентте өткөн муз. он күндүктөрүнө катышкан. «Сынган бугу», «Көкөй кести», «Такмаза», «Жөө калды», «Кара өзгөй», «Чоң кербез», о. эле акылнасыят ж-а филос. маанидеги «Насыйкат»,
«Ибарат», «Дүнүйө» ж. б. күүлөрдү чыгарган.
К-нун күүлөрү («Ибарат», «Сынган бугу», «Көкөй кести» ж. б.) бир нече симф. ж-а опералык чыгармалардын, о. эле Кыргыз мамл. филармониясынын эл аспаптар оркестринин репертуарынын уюткусун түздү. 1951-ж. Кыргыз ССР Жогорку Советине депутат болуп шайланган. К. Эмгек Кызыл Туу, эки «Ардак Белгиси» ордендери ж-а медалдар м-н сыйланган. 1961-ж. Кыргыз мамл. филармониясынын эл аспаптар оркестрине ж-а Нарын ш-ндагы муз. мектепке, Корумду айылындагы орто мектепке, көчөгө ысмы берилген. Музыка изилдөөчү Б. Алагушов Карамолдонун музейин анын айылында ачкан, «Карамолдо» (1962), «Карамолдонун күүлөрү» (1977) аттуу китептерди жазган.