КАТЫРАҢ
КАТЫРАҢ – Баткен обл-нун Лейлек р-нундагы кыштак. Катыраң айыл округуна караштуу. Козу-Баглан суусунун боюнда, деңиз деңг. 1190 м бийикте жайгашкан. Райондун борбору Исфана ш-нан 60 км чыгыш тарапта. Пролетарск т. ж. бекетинен (Тажикстан) 114 км. Калкы 4197 (2009); негизинен мал ж-а дыйкан чарбаларында эмгектенет. Эки орто мектеп, китепкана, клуб, кесиптик-тех. лицей, оорукана, дарыкана бар. Турмуш-тиричилик кызматынын бөлүмдөрү, үй-бүлөлүк дарыгерлер тобу, соода түйүндөрү, базарча, тамактануу жайлары иштейт.