КАРАКОЛ КЕНЧИ (коло жана эрте темир доорлоруна
КАРАКОЛ КЕНЧИ Ысык-Көлдүн түш.-чыгыш тарабындагы Каракол айылынын жанынан 1976-ж. табылган. Кенч соңку коло доору ж-а эрте темир дооруна тиешелүү беш канжардан турат. Канжарлардын уз. 29,5 см, туурасы 5,2 см. Кээсинин сабынын башында жылкынын, койдун сөлөкөттөрү түшүрүлгөн. Ар түрдүү калыпта куюлуп, көлөмдөрү бири-биринен айырмаланганы м-н негизги жасоо ыкмалары, саптарынын башында жаныбарлардын келбеттеринин түшүрүлүшү б-ча бир устанын колунан чыккандыгын далилдеп турат. Археолог Д. Ф. Винник, Е. Е. Кузьмина жылкынын ж-а койдун келбеттеринин түшүрүлүшүн коло доорундагы элдердин мифологиясында, фольклорунда бул жаныбарлардын кеңири тарашы м-н байланыштырышат.