КАМАН
КАМАН , д о ң у з (Sus) – чочколор тукумунун уруусу.
Анын 3 түрү (каман, сакалчан чочко, кидик чочко) белгилүү. К-дын (жапайы чочко) уз. 2 мге, салмагы 300 кгга жетет. Астыңкы ж-а үстүңкү кылкайма тиштери чоң (айрыкча эркегиники), ууртунан чыгып, жогору кайрылып турат. Денеси кылчык жүндүү, кышкысын кылчык жүнүнүн түбү жумшак жүн м-н капталат. Чоң К. күрөң түстө, торопою агыш, узата ак темгилдүү. Түн. Африка, Европа, Азия, Балтика бою, Беларуссия, Украина, Борб. Азия ж. б. жерлерде, көбүнчө токойлордо кездешет. Кырг-нда Сары-Челек, Арстанбапта көп жолугат. Өсүмдүк тамыры, жапайы алма, доңуз жаң-
гак, чөп ж. б. м-н азыктанат. Негизинен топтошуп, эркеги куут мезгилине чейин жалгыз
жашайт. Кууту ноябрь – январда жүрөт, мартмай айында ургаачысы 4–6 торопой тууйт.
Эти тамак-ашка, териси булгаары жасоо үчүн колдонулат. К-дан үй чочкосу келип чыккан. Кидик чочко ТКЭСтин Кызыл китебине катталган.