ИОНИЛЕР
ИОНИЛЕР , и о н д о р – Байыркы Грекиядагы уруулардын бири. Уруунун түпкү атасы деп эсептелген мифол. кереметтүү баатыр Иондун атынан аталган. Аттикада Эвбей а-нын бир бөлүгүндө, Хиос, Самос, Наксос ж. б. а-да жашаган. Б. з. ч. 11–9-к-да Кичи Азиянын батыш жээгинин ортоңку бөлүгүн, андан соң Кара деңиз ж-а Мрамор деңиздеринин жээктерин ээлеген. Кеңири тараган ион диалектисинде Гомердин поэмалары, Геродоттун чыгармалары ж. б. ад-ттар, эпигр. эстеликтер сакталып калган.