ИНТРУЗИЯ
ИНТРУ́ЗИЯ (лат. intrudo – түртөм) – 1) магманын жер кыртышын түзүүчү тоотек катмарларын жиреп чыгуу (таралуу) процесси; 2) магма тоо тектеринен турган ж-а магманын жер кыртышында катып калышынан пайда болгон геол. тулку (интрузия, интрузия тулкусу, плутон). Мындан И. тоо тектер пайда болот. Жанаша жаткан тоо тектердин түзүлүшүнө карата бирдей (катмар И-сы, лополит ж. б.) ж-а иретсиз жаткан И. болуп (батолит, шток, дайка ж. б.) бөлүнөт. Пайда болуу тереңдиги б-ча тереңдиктеги (абиссалдык) ж-а жер бетине жакын (гипабиссалдык) И. болуп ажыратылат.