ЖУСУПБЕКОВ

ЖУСУПБЕКОВ Азизбек Кылычбекович (1959-жылы туулган, Сокулук району, Шалта айылы) - философ, философия илимдеринин доктору (2011), профессор (2017). 1981-жылы С. М. Киров атындагы Казак мамлекеттик университетин бүткөн. КМУда окутуучу, илимий кызматкер, Кыргыз ССР ИАда илимий кызматкер, бөлүмдүн окумуштуу секретары, бөлүм башчы, КР Президентинин Аппаратында бөлүм башчы, КР Өкмөтүнүн Аппаратында бөлүм башчы, КР Жогорку Кеңешинин Аппаратында бөлүм башчы, бөлүм башчынын орун басары, КР УИАнын философия жана саясий-укуктук изилдөөлөр ин-тунун окумуштуу секретары, институттун директорунун орун басары, бөлүм башчысы. 100дөй илимий эмгектин (анын ичинде 6 монография) автору.

Эмг.: Этническая идентичность номадов. Б. 2010; Трайбализм постномадов. Б. 2017.