БАЗИЛИКА
БАЗИЛИКА (гр. basilike ‒ падыша үйү) ‒ ичи колонна же катар түркүктөр менен узун бөлүктөргө (нефтерге) бөлүнгөн тик бурчтуу пландагы имарат. Бул нефтер чоӊ аралыкты тосконго ыӊгайлуу болгон; ортоӊку неф (эреже катары капталдагылардан бийик жана кеӊири) каптал бөлүктөрдөгү терезелер аркылуу жарык кылынган жана апсида менен бүткөн. Базиликага кире бериш жерде туурасынан кеткен эшик асты ‒ нартекс жайгашкан. Эӊ алгачкы Базилика б. з. ч. 210-жылы Деллос аралында курулган. Рим шаарында Базилика сот жана соода залы болуп кызмат кылган. Христиан дининин бекемделиши менен Базилика храмдардын негизги типтеринин бири болуп калган, ал эми борбору
неф, апсида ‒ чыгыш жактагы алтарь менен бүткөн. Эӊ ири алгачкы христиандык Базиликалар бай мозаика менен кооздолгон жана 4-6-кылымдарда Рим, Равенна, Константинополь, Сирия ж. б-да курулган.