АЯЗ

АЯЗ ‒ кыш мезгилиндеги атмосферанын төмөнкү температурадагы абалы. Кар түшкөндөн кийин болот. Аяз убагында чыкыроондоп, абанын температурасы төмөндөп, карандай суук өкүм сүрөт. Аяз айрыкча Жер шарынын уюлдарга жакын жерлерине жана бийик тоолуу аймактарына мүнөздүү. Кыргызстандын бийик тоолуу аймактарында (Ак-Сай, Арпа, Суусамыр, Чаткал, Алай ж. б.) Аяз катуу болот. Кыргыздар мурда Аязды абанын температурасына жараша темир Аяз, мүйүз Аяз, кийиз Аяз деп бөлгөн.