АЭРОЧАНА

АЭРОЧАНА‒ кыймылдаткыч айландырган аба буралгысынын (винтинин) тартуу күчү м-н карда же музда сыйгаланып жыла турган мех. чана. А-нын лыжаларга орнотулган чанагы (кузову) жеӊил материалдан жасалып, аны кыймылга келтирүү үчүн кубаттуулугу 25 а.кнөн кем эмес авиац. кыймылдаткыч колдонулат. Чананын артында 2 лыжа, алды жагында руль механизми м-н башкарыла турган 1 же 2 лыжа орнотулат. Лыжалар жыгачтан жасалып, таманына металл капталат же бүтүндөй калдыркан дюралюминийден жасалат . А-нын ылдамдыгы 25‒140 км/с. Түндүктө байланыш түзүүдө, арктика экспедицияларында, аэродромдо пайдаланылат.