АСКЕР

АСКЕР– I) мамлекеттин куралдуу күчү ж-дө жалпы аталыш, 2) кээ бир мамлекеттердин армияларында катардагы жоокерлердин наамы. Көчмөн элдерде, а. и. кыргыздарда аскерлердин түрүнө, курамына карата атчан А., жөө А., ал эми түзүлүшү боюнча ондук, жүздүк, миңдик, түмөн, кошуун, кол ж. б. болуп бөлүнгөн. Аскер башчыларды он башы, жүз башы, миң башы, түмөн башы, колбашчы ж.б. деп аташкан.