АРСЫГУЛОВ Жекшеналы
Жекшеналы (1928-ж. т., Чүй обл., Сокулук р-ну, Төш-Булак айылы) – артист, КРдин эл арт. (1986). Эмгек жолун 1942-ж. Сокулук р-ндагы «Төш булак» чарбасында колхозчу болуп иштөөдөн баштаган. 1945-жылдан Кыргыз драма театрында артист. Жалпысынан 100дөн ашуун роль ойногон, алардын көрүнүктүүлөрү: Олег Кошевой (А. Фадеев,
«Жаш Гвардия»), Эрмек (А. Куттубаев, К. Маликов, «Биз баягы эмеспиз»), Өмүркул (М. Toкобаев, «Кайгылуу Какей»), Бобчинский (Н. Гоголь, «Текшерүүчү»), Жапалак (Р. Шүкүрбеков, «Жапалак Жатпасов»), Маке чал (Б. Жакиев, «Алтын аяк»), Малабай (Т. Абдумомунов,
«Жыгылган оогонго күлөт»), Эдгар (У. Шекспир, «Король Лир»), Плюшкин (Н. Гоголь, «Өлүү жандар»), Нурмат (А. Осмонов, «Maxaбат»). Медалдар м-н сыйланган.