АПШЕРОН ЖАРЫМ АРАЛЫ
АПШЕРОН ЖАРЫМ АРАЛЫ (фарсы тилинде аб – суу, ширин — туздуу) Каспий деңизинин батыш жээгинде,Азербайжандын аймагында.Уз. 60 кмге чейин. Туурасы 30 кмге чейин, чыгыш чети Шахов саяңы аталат. Баткактуу дөбөлөр ж-а туюк чуңкурдуктары бар күдүрлүү түздүк. Шор жерлер, туздуу көлдөр, нефть ж-а газ кендери бар. Эфемерлүү жарым чөл өсүмдүктөрү басымдуу (кышында да вегетация жүрөт). Түш.жээгинде Баку ш., түндүгүндө Апшерон курорттор тобу жайгашкан.