АОРСТОР

АОРСТОР (гр. Aorsoi) – сармат урууларынын союзу (к. Сарматтар). Аорстор жөнүндө Страбон, Пто­лемей, Плиний жанa Тациттин эмгектеринде маалыматтар бар. Арстор алгач Арал же Каспий деңиздеринин түндүгүндө жашаган. биздин заманга чейин 2-кылымда Каспий деңизи менен Дондун түндүк жээгиндеги талааларды ээлешип, андан Кавказга чейин барышкан. Аорстор жоокер, көчмөн эл болуп, негизи­нен малчылык менен кесиптенишкен жанa Закавказьенин, Боспор мамлекетинин жанa Орто Азия­нын элдери менен соода жүргүзгөн. Биздин замандын 2-кылымында аландар башкарган сармат уруулар союзунун курамына кирген. Оренбург талаалары менен төмөнкү Волга боюнда биздин заманга чейин 4–2-кылымдардагы көрүстөндөр Аорсторго таандык делип жүрөт.