АНДАБЕКОВ Эрназар
АНДАБЕКОВ Эрназар (1905, Жалал-Абад облусу, Аксы району, Кырк-Кечүү айылы – 1957, ошол эле
жерде) – малчы, Социалисттик Эмгектин Баатыры (1948). Колхозду уюштурууга активдүү катышкан. 1937-жылдан Жаңы-Жол районундагы «Партизан» колхозунда жылкычы болуп иштеген. Колхоздун жылкы чарбасын өнүктүрүүдө жана анын кунардуулугун жогорулатууда зор ийгиликтерге жетишип, 1946-жылы 50 тубар бээден 50 кулун, 1947-жылы 56 тубар бээден 56 кулун алып, чыгашасыз асыраган. Ленин ордени менен сыйланган.