АЛЬТЕРНАРИОЗ

АЛЬТЕРНАРИОЗ – өсүмдүк илдети. Аны мите козу карын (alternaria) пайда кылат. Картошка, алма, алмурут, барсылдак Aльтернариозу белгилүү. Илдеттүү өсүмдүктү кара так басып, өсүмдүк ткандары акырындык менен солуйт. Ал көбүнчө өсүмдүктүн урук түйүлдүгүндө өөрчүп, үрөн өнбөйт. Ага каршы күрөшүү чаралары: үрөндү химиялык препараттар менен дарылоо, аңызды өсүмдүк калдыгынан арылтуу, которуштуруп эгүүнү туура жүргүзүү.