АЛКОГОЛЯТТАР

АЛКОГОЛЯТТАР ‒ спирттин гидроксид тобундагы суутек атому металлдар менен орун алмашуусунан пайда болгон туз сымал органикалык бирикмелер. Алар спиртте жеӊил эрүүчү, ным тарткыч катуу заттар. Бир атомдуу спирттердин жалпы формуласы M(OR)_n, мында n‒металлдардын кычкылдануу даражасы. Бир атомдуу спирттер менен жегич, жегич жер металлдарынын алкоголяттары иондук бирикмелер, ажыроо t 200‒300 °C. Спиртте жана суюк NH₃тө жакшы эрийт. Спиртке металл таасир этүүдөн алынат: 2C₂H₅OH+2Na→2C₂ H₅ONa + H₂. Ар түрдүү органикалык бирикмелерди синтездөөдө колдонулат.