АЛИЗАРИН

АЛИЗАРИН (1,2-д и о к с и а н т р а х и н о н), С₁₄Н₈О ₄ ‒ саргыч кызыл түстөгү ийнече түрүндөгү кристалл зат. Мол. салмагы 240,20; эрүү t 200°C, кайноо t 430°C, сууда эрибейт, бензолдо, уксус к-тасында, пиридинде жакшы эрийт. А. ‒ эӊ байыркы боёк зат. Ал марена өсүмдүгүнүн тамырында гликозиддер түрүндө кездешет. А. көп валенттүү металлдардын (Аl, Са ж. б.) иондору менен түстүү туздарды пайда кылат. А. баалуу боёкторду даярдоодо жана анализдик химияда колдонулат.