АЛГЕБРАЛЫК КӨП ТҮСПӨЛДҮҮЛҮК

АЛГЕБРАЛЫК КӨП ТҮСПӨЛДҮҮЛҮК ‒ алгебралык геометриядагы изилдөөлөрдүн эӊ башкы объектиси. Алгебралык көп түспөлдүүлүктүн учурдагы аныктамасы чыныгы же комплекстүү сандар талаасында аныкталган алгебралык аффиндик жана проективдик көптүктөрдөн башталган. Азыркы учурда k-талаасында аныкталган алгебралык көп түспөлдүүлүк ошол k-талаасында келтирилген чектүү типтеги схема түрүндө берилет. Немец математиги А. Вейль алгебралык көп түспөлдүүлүк дифференциалдык көп түспөлдүүлүктөрдүн идеясын пайдаланып, төмөнкүчө аныктама берген: k-талаасындагы абстракттуу алгебралык көп түспөлдүүлүк талаасындагы аффиндик алгебралык көптүктөрдөн турган (V_a) системасынан турат. Ар бир V_в да камтылган W_aв ачык көптүгү (W_aвМ V_a) тиешелүү түрдө ачык W_aвМ V_a көптүгүнө изоморфтуу болгон (W_aв) көптүктөргө бөлүнгөн.
Ад.: 1. Шафаревич И. Р. Основы алгебраической геометрии. М., 1972.
А. А. Чекеев, С. С. Токсонбаев.