АКТИВДҮҮЛҮК

АКТИВДҮҮЛҮК ‒ 1) т е р м о д и н а м и к а л ы к активдүүлүк ‒ эритмелердеги иондун жана молекулалардын химиялык реакцияга катышкан нагыз концентрациясын туюнтуучу чоӊдук. Активдүүлүктүн (а) концентрацияга (с) болгон катышы (а:с=i) активдүүлүк коэффиценти (i) деп аталат. Ал термодинамикалык теӊ салмактуулук константан эсептөөдө колдонулат; 2) р а д и о а к т и в д ү ү б у л а к т ы н активдүүлүгү ‒ убакыт бирдигинде радиоактивдүү ажыроонун саны. СИдеги активдүүлүктүн бирдиги ‒ беккерель (Бк). 1 Бк бул 1 секдагы 1 ажыроого барабар. Мындан тышкары кюри (Ки) бирдиги бар. 1 Ки=3,7.10¹⁰ Бк. Бул 1 г радийдин ажыроо активдүүлүгү.