АКАДЕМИЯЛЫК ТЕАТР
АКАДЕМИЯЛЫК ТЕАТР – театр өнөрүн өнүктүрүүдө ийгиликтерге жетишкен театрларга берилүүчү ардак наам. 1909‑жылдан бериле баштаган. Бул ардак наам алгач Москвадагы Чоң жана Кичи театрларга ыйгарылган. А. Малдыбаев атындагы Кыргыз улуттук опера жана балет театрына (1959), Т. Абдумомунов атындагы Кыргыз улуттук драма театрына (1971), Кыргыз мамлекеттик орус драма театрына (1989), Ош өзбек драма театрына (2005) Академиялык театр ардак наамы берилген.