АДАМ УКУКТАРЫНЫН КОНСТИТУЦИЯЛЫК ГАРАНТИЯЛАРЫ
АДАМ УКУКТАРЫНЫН КОНСТИТУЦИЯЛЫК ГАРАНТИЯЛАРЫ – адамдын негизги укуктарын жанa эркиндиктерин коргоонун каражаты катары конституцияда белгиленген процессуалдык укуктардын жыйындысы. Буларга укуктарды жанa эркиндиктерди сот аркылуу коргоо мүмкүнчүлүктөрү; мамлекеттик органдардын же алардын кызматкерлеринин мыйзамсыз аракеттеринен же аракетсиздигинен келтирилген зыянды мамлекеттин эсебинен өндүрүп алуу укуктуулугу, эгер коргоонун мамлекеттик ички каражаттары бүт колдонулса, бирок натыйжасыз болсо, адам укуктарын жанa эркиндиктерин коргоо боюнча эл аралык органдарга кайрылуу мүмкүнчүлүктөрү; көз карандысыз жанa бейтарап калыс сот, ошондой эле адам укуктарын коргоо Конституцияда каралган мыйзам менен белгиленген Омбудсмен – Акыйкатчы; адам укуктарын жанa эркиндиктерин чектөөгө жол берген негиздерди жанa чектерди белгилеген эрежелер кирет.
М. Керимбаев.