АВТОРДУК КЕЛИШИМ

АВТОРДУК КЕЛИШИМ ‒ автор (же анын мурасчысы) менен башка бир адамдын ортосундагы ошол чыгарманы колдонуу (басып чыгаруу, сахнага коюу ж. б.) боюнча түзүлгөн макулдашуу; автор менен басманын ортосунда жетишилген өз ара бүтүмдүн натыйжасын аныктоочу документ. Кол жазманын көлөмү, аны тапшыруунун мөөнөтү, калем акынын өлчөмү жана аны төлөө, кайрадан басып чыгаруу иштери автордук келишимдин негизинде алдын ала аныкталат.