КРИСТАЛЛ ГИДРАТТАР

КРИСТАЛЛ ГИДРАТТАР – курамында суунун молекуласы бар кристалл. Кээ бир туздар, кислоталар ж-а негиздер суу эритмелеринен кристаллдар түрүндө чөгөт. Жаратылышта көпчүлүк мине­ралдар – кристалл гидраттар. (мисалы, гипс СаSО₄–2Н₂О, карнал­лит МgCI₂–КСl–6Н₂О ж. б.). Кристалл гидратттарды ысытуу менен андагы кристаллдашкан сууну бөлүүгө болот. Кээ бир бирикмелер кристалл гидраттар түрүндө гана туруктуу (мисалы, ВеС₂О₄–Н₂О), суусун бөлсө ажырап кетет.