«КЫРГЫЗ СЕРИАЛДАРЫ»
«КЫРГЫЗСЕРИАЛДАРЫ» – 2003-ж. УТРКнын сериялуу фильмдерди чыгаруучу студиясы уюшулган. Уюштуруучусу ж-а жетекчиси – акын, драматург, журналист, Кырг-н жаштар сыйл. лауреаты Ж. Өзүбекова. Анын сценарийи б-ча коюлган «Чиркин өмүр» (40 серия), «Апамдын махабаты» (20 серия), «24 саат» (2 серия), «Кара жолтой» (3 серия), «Тор» (3 серия), «Кууш жолдо» (3 серия), «Сезимде калган издер» (4 серия) фильмдеринде улуттун өзгөчөлүгү, асыл наркы, салт-санаасы чагылдырылган. Сериалдар жанры б-ча ар түрдүү, мазмуну жөнөкөй ж-а жеткиликтүү берилген. Туңгуч кыргыз сериалдарын реж. М. Мамбетов ж-а Б. Айткулуев тарткан.