КЫРГЫЗ РЕСПУБЛИКАСЫНЫН ӨНӨР ЖАЙГА ЭМГЕК СИҢИРГЕН КЫЗМАТКЕРИ
КЫРГЫЗ РЕСПУБЛИКАСЫНЫН ӨНӨР ЖАЙГА ЭМГЕК СИҢИРГЕН КЫЗМАТКЕРИ – ардак
наам. 1991-ж. чейин Кыргыз ССРинин ө. ж-га эмг. сиң. кызматкери. Кыргыз ССР Жогорку Советинин Президиумунун 1970-жылдын 30-ноябрындагы указы м-н белгиленген. 1991-жылдан КР Президентинин жарлыгы м-н ыйгарылат.
Өндүрүшкө илимдин жетишкендиктерин, техниканын ж-а эмгектин алдынкы ыкмаларын киргизүү аркылуу өндүрүш тапшырмаларын аткарууда, эмгек өндүрүмдүүлүгүн жогорулатууда, продукциянын сапатын жакшыртууда ж-а
өздүк наркын төмөндөтүүдө жогорку көрсөткүчтөргө жетишкен, адистиги б-ча кеминде 15 жыл үзүрлүү иштеген негизги адистиктеги жумушчуларга, о. эле жогорку же атайын билими бар инженер-техник кызматкерлерге берилет.