КУЛЕШОВ Александр Фёдорович
КУЛЕШО́В Александр Фёдорович (1906, Белоруссия, Витебск шаары – 6. 10. 1961, Фрунзе) – Кыргыз ССР эл артисти (1951).
1928-жылы Ленинграддык «Красный молот» театрында үйрөнчүк актёр, 1935–1936-жылдары Уфа орус драма театрында актёр, 1937-жылдан өмүрүнүн акырына чейин Фрунзедеги Н. Крупская атындагы орус драма театрында иштеген. Аткарган ролдору: Тихон (А. Островский, «Добул»), Степанов, Гвоздилин (Н. Погодин, «Директор», «Үчүнчү патетикалык»), Тетерёв (А. Горький, «Мещандар») жана башкалар. Кулешов Кыргыз ССР Жогорку Советинин (4-шайлоо) депутаты. Эмгек Кызыл Туу ордени менен сыйланган.