КЫДЫНОВ Молдокерим
КЫДЫНОВ Молдокерим (15. 9. 1928-жылы туулган, азыркы Чүй облусу, Чүй району, Алчалуу айылы) – химия илимдеринин доктору (1971), профессор (1973). КР УИАнын ардактуу академиги (1998). КРдин илимге эмгек сиңирген ишмери
(1993). КМПИни бүтүргөн (1951). Кыргыз ССР ИАда аспирант, илимий кызматкер (1951–60). Органикалык эмес химия ж-а физикалыки химия институтунун директорунун орун басары (1960–65) ж-а директору (1965–75). 1962-жылдан органикалык эмес заттарды синтездөө лабораториясынын жетекчиси. 1994-жылдан КР УИАнын Химия ж-а химиялык технология институтутунун лаборатория башчысы. Кыдыновдун илимий иштери табигый туздардын физикалык химиясын үйрөнүүгө ж-а органикалык эмес комплекстерди алууга багытталган. Анын жетекчилиги м-н 150дөй химиялык заттар синтезделип, ошондой эле туздарга, минералдарга, туздуу сууларга классификация берилген; туздарды комплекстүү иштетүү технологиясы өндүрүшкө киргизилген. 350дөн ашык илимий эмгеги, анын ичинде 8 монография, 19 автордук күбөлүгү бар.
Эмг.: Физико-химическая характеристика природных солей месторождений Тянь-Шаня (в соавторстве). Ф., 1970; Физико-химические системы из солей одно и двух валентных металлов. Ф., 1970; Взаимодействие глицина с галогенидами двухвалентных металлов (в соавторстве). Ф., 1988; Комплексообразование солей биометаллов с лизином и гидрохлоридом лизина (в соавторстве). Б., 1991.