КОЛОРАДО (АКШнын түштүгүндөгү дарыя)
КОЛОРА́ДО (исп. сolorado – кызыл, боёлгон) – АКШнын түштүгүндөгү дарыя. Узундугу 1450 км, алабынын аянты 107 миң км2. Ллано-Эстакадо платосунан башталып, Мексика булуңуна куят. Негизинен жамгыр суусунан куралат. Жазында кирип, жайында тартылат. Суусунун жылдык орточо чыгымы төмөнкү агымында 81 м3/сек. Сугатка кеңири пайдаланылган суу сактагычтар көп курулган. Боюнан Остин шаары орун алган.