«КИТАБ ал-А–ЛАК ан НАФИСА»

«КИТАБ ал-А–ЛАК ан НАФИСА» («Асыл ой­лор китеби») – 9-к-дын 2-жарымы 10-к-дын ба­шында жашап өткөн араб географы Абу Али Ахмед ибн Рустенин энциклопедиялык эмгеги. Ибн Русте Ирандын Исфакан кыш-нда жаша­ган. Бул эмгектин түп нускасы көп томдук, бизге 7 тому гана жеткен. Автор бул китебинде Абу-л-Касым Убайдаллахтын, ибн Хордад­бектин чыгармаларын пайдаланган. Анда астр. ж-а кызыктуу геогр. маалыматтар камтылган. Жерге байланыштуу жети аңыз ж-а деңиздер, өзөндөр (Каспий, Арал деңиздери, Сыр-Дарыя) тууралуу маалыматтар бар.

Ад.: Материалы по истории туркмен и Туркмении. Т. 1. М.; Л., 1939; Крачковский И. Ю. Изб. соч., Т. 4. М.; Л., 1957.