КИСЛОТАЛАР

КИСЛОТАЛАР – металл м-н оңой алмашуучу суутеги бар ж-а сууда эригенде Н⁺ ионун пайда кылуучу химиялык бирикмелер. Кислоталар кычкылтектүү, (H₂SO₄, H₂CO₃, HNO₃ ж. б). ж-а кычкылтексиз (HCl, Н₂S, HCN ж. б.) болуп айырмаланат. Кыч­кылтектүү кислоталар кээ бир кислоталык оксиддердин суу м-н кошулушунан, кычкылтексиз кислоталар айрым элементтердин суутек м-н кошулушунан пайда болот. Кислоталардын малекуласындагы суутек атому­нун саны алардын негиздүүлүгүн аныктайт, мисалы, HCl, HNO₃ – бир негиздүү, H₂S, H₂SO₄ эки негиздүү, H₃PO₄ – үч негиздүү кислоталар.