КЕТА

КЕ́ТА (Onсorhynchus keta) – лосостор тукумун­дагы балык. Жыл мезгилине жараша жайкы ж-а күзгү кета деп бөлүнөт. Жайкысынын дене узундугу 60 смдей, салмагы 2,5 кгдай. 3–5 жашында жетилет. Өрдөөсү августта башталат. 3 миңге жакын урук таштайт. Өрдөө убагында азык­танбайт, эркек, ургаачысынын кебетеси өзгө­рөт. Күзгү кетанын узундугу 90 смдей, салмагы 4,5 кг­дай, жыныстык жактан 4 жашында жетилет, ноябрь–декабрь айларында уругун таштоо үчүн 2 миң кмге чейин өрдөйт, 4 миңге жакын икра таштайт. Алар уругун таштагандан кийин өлөт. Балык чарбасында маанилүү.