КЕСАРЬ КЕСҮҮ
КЕ́САРЬ КЕСҮҮ (лат. sectto caesarea) – курсактагы баланы ж-а тонун алуу үчүн курсакты ж-а жатынды кесип, операция жасоо. Аял табигый жол аркылуу өз алдынча төрөй албаган учурда (жамбаш чарасы кууш, жатын айрыла турган учурда), о. эле аялдын катуу оорусунда (мис., жүрөк кемтиги, көздүн тор кабыкчасынын сыйрылышы ж. б. ) жасалат. Кан көп кетип, бала ичтен өлүп калган учурда да эненин өмүрүн сактоо үчүн да бул операция жасалат.