КАРА-БУЛАК (Лейлек районундагы кыштак)
КАРА-БУЛАК - Баткен облусунун Лейлек районундагы кыштак. Тогуз-Булак айыл округуна караштуу. Исфана - Ош автомобиль жолунун боюнда, деңиз деңгээлинен 1595 м бийикте жайгашкан. Райондун борбору Исфана шаарынан 12 км түндүк тарапта. Пролетарск темир жол бекетинен (Тажикстан) 63 км. Калкы 2580 (2022); негизинен дыйкан чарбаларында эмгектенет. Орто мектеп, китепкана, ФАП ж. б. бар. Кыштакта Социалисттик Эмгектин Баатыры Р. Жолбаев туулган.