КАРАСАРТОВА Койсун

К. Карасартова жана С. Андабеков, эл ыры «Кыздар ай». 1982.

КАРАСАРТОВА Койсун (1926, Нарын облусу, Ат- Башы району, Кара-Суу айылы – 9. 5. 2009, На­рын шаары) – драма артисти, Кыргыз Республикасынын эл артисти (1997). Нарын театрында (1940–1949), М. Баетов атындагы маданият үйүндө (1949–1951), Ысык-Көл (1951–1961), Нарын (1961-жылдан) драма театр­ларында иштеген. К. Карасартова ар түр­дүү жанрдагы спектаклдер­де көптөгөн образдарды жа­раткан.

Аткарган ролдору: Гүлгаакы (К. Жантөшев,«Курманбек»), Шалтаке (К. Маликов, «Алмашым»), Айкүмүш (Ж. Садыков, «Таабалды Пудовкинди эскерип»), Парчагүл (С. Ко­жониязов, «Сүйбөгөнгө сүйкөнбө»), Келин (Ж. Абдыкадыров, «Жүрөгүм менин тоолор­до»), Бакыттын эжеси (С. Раев, «Күн кармаган бала»). Карасартова ырчы катары да белгилүү. Кыргыз, казак, өзбек, уйгур ырларын С. Андабеков менен бирге чебер аткарган. Медалдар менен сый­ланган.