КАЗАН (чуңкур идиш)
КАЗАН – кемегеге, тулгага, очокко асууга ылайыкталган чуңкур идиш. Казан колодон, жезден, темирден колго жасалган. Көлөмүнө ылайык жан казан, тай казан, кой казан болуп бөлүнөт.
Казанды колдонууга ыңгайлуу болсун үчүн үстүңкү кырынан сыртына кулак чыгарылган. Жан казан эк и к у л а к т у у , башкалары төрт кулактуу. Орто Азия жана Кавказ элдери казанды үй тиричилигинде, ошондой эле кол өнөрчүлүктө да пайдаланышкан. Учурда алюминий, тефлон капталган казандар заводдордо даярдалып, кеңири колдонулат.