КАРАЙЫМ ТИЛИ
КАРАЙЫМ ТИЛИ – карайымдардын тили. Түрк тилдеринин кыпчак тобуна кирет. Карайым тили түндүк (тракай), түштүк (галич) жана крым диалектилерине бөлүнөт. Негизинен карачай-балкар, крым-татар, кумук, ногой тилдерине жакын. Синтаксисине славян тилдеринин таасири тийген. Карайым тили 1840-жылдан байыркы еврей, латын, славян графикасын пайдаланган. 19-кылымдын аягынан орус (Россия, Украина), латын (Литва, Польша) графикасындагы алфавитти колдонушат.