КАРА-ТЫТ КӨМҮР КЕНИ
КАРА-ТЫТ КӨМҮР КЕНИ Жалал-Абад облусунун Аксы районунда, Таш-Көмүр шаарынан 20 км түндүктө, Ат-Ойнок тоосунун түштүк-батыш тармагында. 1954–55-жылдарда геологиялык картасы түзүлүп, 1982–85-жылдарда чалгындалган. Юра катмарлары брахисинклиналдык ири бүктөлүүнү түзөт. Көмүр кабаттары юра катмарларынын астыңкы бөлүгүндөгү таш көмүр свитасында жайгашкан. Таш көмүр свитасында көмүрлүү эки комплекс бөлүнгөн. Өнөр жайлык маанидеги «Негизги» кабат жогорку көмүрлүү комплек1 ккаетегориясыс м-н байланышкан. Кабат өтө татаал түзүлүштө. Запасы эсептелүүчү кабаттын калыңдыгы 0,30 мден 15,24 мге чейин, орточо калыңдыгы 4,56 м. Астыңкы көмүрдүү комплексте өнөр жайлык мааниге ээ болбогон «Ортоңку» ж-а «Төмөнкү» деп аталган эки кабат бөлүнгөн. Көмүр сапаты боюнча таш көмүрдүн узун жалындуу маркасына (Д) таандык. Күлдүүлүгү жогору – 40%ке чейин, орточо 20%ти түзөт. Жер үстүнөн ачык жол менен казып алууга жарамдуу запасы 1997-жылга карата В+С категориясы боюнча 28658 т. көмүр казылып алынууда. Жер астынан казып алынуучу көмүрдүн запасы С1+С2 категориясы боюнча 17883 миң т.