КАРА-СААДАК КӨРҮСТӨНҮ

КАРА-СААДАК КӨРҮСТӨНҮ – I–V кылымдарга таан­дык дөбө-мүрзөлөр. Куршап суусунун Кара-Да­рыяга куйган жерине жакын жайгашып, 60тай мүрзөдөн турат. Диаметри 5–20 м, бийиктиги 0,5– 1,5 м. Маркумдардын сөөгү казанактуу жайга коюлган. Булардын ичинен 12 мүрзө изилденип, ар кандай түрдөгү жана чоңдуктагы карапа идиш­тер, темир бычактар, азем буюмдар жана башкалар та­былган.