КАРА-ДӨБӨ КӨМҮР КЕНИ
КАРА-ДӨБӨ КӨМҮР КЕНИ Ош облусунун Өзгөн районунда, Өзгөн шаарынаннан 70 км түндүк-чыгышта, Фергана тоо тизмегинин түштүк-батыш капталында, Кара-Дөбө ж-а Байбиче сууларынын ортоңку агымынын алабында. Кен жөнүндөгү алгачкы маалымат 1909––16-жылдарда Д. И. Мушкетовдун изилдөөлөрүндө кездешет. 1941–45-жылдарда издөө иштери жүргүзүлгөн. 1990–92-жылдарда технологиялык көмүр изилденген.
Кен Бал-Камыш участкасы, Делдеке-Тоо аянты болуп экиге бөлүнөт. Көмүр туюк свитасы м-н байланышкан. Чаар-Таш ж-а Зындан свиталары аз көмүрлүү. Көмүрдүү туюк свитасында 20га жакын кабат, кабатча кездешет. Анын ичинде 4 кабат кеңири тараган, калыңдыгы 0,5 мден 5,2 мге чейин. Сапаты ж-а технологиялык касиеттери боюнча биринчи майсыз (1Т) ж-а экинчи майсыз (2Т) маркасына кирет. Орточо күлдүүлүгү 5,57%тен 14,85%ке чейин, күйүү жылуулугу 33,76–36,паттагы энергетикалык отун өндүрүүгө, карбид алууга ж-а кокстоого жарайт. Кайра бааланган (1990) болжолдуу ресурсу 40446 миң т. Делдеке- Тоо аянтынын Батыш участкасы түштүк жагында, ачык казып алуу үчүн жергиликтүү участка бөлүнгөн ж-а запасы эсептелген. Анын запасы С1 ж-а С2 категориясы б-ча 42 миң т (1995).