ИНКРУСТАЦИЯ
ИНКРУСТА́ЦИЯ (лат. incrustatio – кабык, катмар м-н жабам, мрамор чаптайм) – буюмдарды оймолоо ж-а мрамор, карапа, металл, жыгач ж. б-дын майда бөлүктөрү м-н нерсенин бетине сүрөт чөгөрүп түшүрүү. И-нын жыгачты жыгачка, металлды металлга, ташты ташка чөгөрүп, сүрөт түшүргөн түрлөрү да болот. Бирок И. көп учурда кооздолчу нерсенин өзүнөн башка материалдан жасалат. Байыркы Чыгыштын, антикалык доордун скульптураларында статуя м-н бюсттун көздөрү И. м-н өзгөчөлөнүп турган. Азыр курулушта карапа күкүмү м-н бетон дубалдардын бетин кооздоо да И. деп аталат.