ЖЕТИГЕН (Токтогул районундагы кыштак)
ЖЕТИГЕН – Жалал-Абад облусунун Токтогул районундагы кыштак. Үч-Терек айыл аймагына караштуу. Тартуулук суусунун боюнда, деңиз деңгээлинен 1880 м бийикте жайгашкан. Райондун борбору Токтогул шаарчасынан 75 км түштүк-чыгыш тарапта. Таш-Көмүр темир жол бекетинен 170 км. Калкы 2437 (2025); негизинен дыйканчылык жана мал чарбасы менен алектенет. Орто жана башталгыч мектеп, амбулатория, китепкана, клуб, почта бөлүмдөрү бар. Тегирмендер (үчөө суу, үчөө электр менен) иштейт.