КАЙЧЫ
КАЙЧЫ – бири-бирине кайчылашкан эки жаагы менен бир нерсе кесүү, кыркуу үчүн колдонулуучу аспап. Кайчынын ички бети миздүү, сап жагында бармак менен сөөмөй кирүүчү кармооч көзөнөгү бар. Жаактары бири-бирине бурама менен кыймылдуу бекитилет. Кайчы үй тиричилигинде ар кандай нерселерди кесүү, кыркуу жана башка максатта керектелет. Малдын жүнүн кыркуучу кайчы жуушаң деп аталат.
