ЖАҢЫ-ЖОЛ ( Аксы районундагы кыштак)
ЖАҢЫ-ЖОЛ , М а л - К а л д ы – Жалал-Абад облусунун Аксы районундагы кыштак. Ак-Жол айыл округуна караштуу. Мал-Калды суусунун боюнда, деңиз деңгээлинен 870 м бийикте жайгашкан. Райондун борбору Кербен шаарынан 20 км түштүк тарапта. Жалал-Абад темир жол бекетинен 40 км. Калкы 2722 (2025); негизинен мал чарбасы менен алектенип, дыйканчылыкта эмгектенет. Орто мектеп, бала бакча, маданият үйү, дарыкана, амбулатория бар. Улуу Ата Мекендик согушта курман болгондорго эстелик тургузулган.