КАЙЫҢДЫ-БУЛАК
КАЙЫҢДЫ-БУЛАК – Кара-Кулжа районундагы суу. Алайкуу кырка тоосунун түндүк капталынан башталат. Узундугу 36 км, алабынын аянты 240 км2. Тардын жогорку агымы Алайкууга сол жактан куят. Алабынын деңиз деңгээлинен орточо бийиктиги 3100 м. Башталышы Кыздар деп аталат. Өрөөнү карагай токойлуу. Кайыңды-Булакка оң жактан 6 суу куят. Жылдык орточо чыгымы 1,33 м3/сек, эң чоң чыгымы июнь–июлда, эң азы мартта байкалат. Сугатка пайдаланылат. Жээгинде Кугай кыштоосу ж-а Кайың-Талаа кыштагы жайгашкан.