КАЙЧЫ ТУМШУК
КАЙЧЫ ТУМШУК (Loхia) – куштардын мукурлар тукумундагы уруусу. Дене узундугу 17 смге че-
йин. Астыңкы ж-а үстүңкү тумшугу кайчылашып, карагай, кызыл карагай ж. б. ийне жалбырактуулардын тобурчагынан уругу чыгарып жегенге ыңгайланган. Кайчы тумшуктун 3 түрү Европа, Африка, Азия, Американын ийне жалбырактуу токойлорунда таралган. Кыргызстанда 1 түрү жашайт. Карагайларга жылуу уя салып, ургаачысы 3–5 жумурткасын басып чыгарат. Эркеги жем ташып, аларды багат.