КАЙНАЛЫ
КАЙНАЛЫ , к а р а ө р ү к (Prunus) – өсүмдүктөрдүн роза гүлдүүлөр тукумундагы дарак же бадал. Бийиктиги 3–12 м. Жалбырагы эллипс же ланцет сымал, гүлү ак же кызгылт. Мөмөсү бир данектүү. Апрель – май айларында гүлдөп, август–сентябрда бышат. КМШ өлкөлө-
рүндө 7 түрү белгилүү. Мөмөсүндө 9–22% кант, 0,14–1,43% органикалык кислота, азоттуу зат, А, С, К ж-а В тобундагы витаминдер, минерал зат ж-а микроэлементтер болот: мөмөсү желет; кыям, шире, повидло ж. б. даярдалат. Кыргызстанда кайналы негизинен Чүй өрөөнүндө, Ош облусунда өстүрүлөт. Гектарынан 300 цден түшүм алынат. Суукка чыдамдуу келет. Кайналынын Кыргызстанда байырлаштырылган сорттору: таттуу кеайналы, Ренклод Альтана, Кыргыз сонуну, Анна шпетт ж. б. Зыянкечтери: өрүкчү күбө, өрүк курту, калкан сымал жалбыракчылар ж. б. Илдеттери: мөмө чириги, церкоспороз, клястероспориоз, дат ж. б.